Həkim insultun əsas əlamətlərini AÇIQLADI

Kəskin baş ağrıları, üzün əyriliyi, hərəkətlərin zəif koordinasiyası və başgicəllənmə insultun əsas əlamətləridir.

Publika.az xəbər verir ki, bu barədə Gazeta.ru-ya Akademik B.V.Petrovski adına Rusiya Elmi Cərrahiyyə Mərkəzinin Federal Dövlət Büdcə Qurumunun 2 saylı Elmi Mərkəzinin Nevrologiya və Paroksismal Vəziyyətlər Mərkəzinin rəhbəri Yelena Surskaya məlumat verib.

"Siz qəfil başlayan titrəyişli baş ağrıları, üzdə əyilmə, hərəkətlərin koordinasiyasının pozulması, başgicəllənmə, qol və ayaqda, bədənin bir yarısında uyuşma və zəiflik, görmə qabiliyyətinin kəskin pisləşməsi, nitqdə dəyişiklik kimi əlamətlərin görünməsinə diqqət yetirməlisiniz". Surskaya deyib.

Onun sözlərinə görə, bu simptomlar baş verməmişdən əvvəl qan təzyiqinin kəskin yüksəlməsi və uzun müddət davam edən baş ağrıları ola bilər. Həkim qeyd edib ki, bu əlamətlər hər növ insult üçün xarakterikdir.

Surskaya həmçinin bildirib ki, fokus simptomları beynin hansı hissəsinin təsirləndiyini anlamaq üçün istifadə edilə bilər. O qeyd edib ki, qol və ayaqda zəifliyin, hətta iflic vəziyyətinə qədər inkişafı beyinin hərəkətə cavabdeh olan nahiyədə zədələnməsini göstərə bilər.

Hüseyn İbadlı