Xərçəng xəstələrinə şad xəbər: Yeni qan testi müalicəni asanlaşdıracaq

"Ultra həssas" test, müalicəsi daha çətin olan bir şişin DNT-sinin izlərini residivdən əvvəl aşkar edə bilər. Bu metod xəstələrə xərçəngin sağalmaz hala gəlməzdən əvvəl 100% dəqiqliklə müalicəsinə başlamağa kömək edir.

Publika.az xəbər verir ki, maye biopsiya adlanan test xəstənin DNT-sində xərçəng əlaməti ola biləcək genetik qüsurları axtarmaq üçün bütün genom ardıcıllığından istifadə edir.

Londondakı Xərçəng Araşdırmaları İnstitutundan bir qrup tədqiqatçı müxtəlif növ erkən döş xərçəngi olan 78 xəstə üzərində araşdırma aparıb.

Test qanda xərçəng hüceyrələri tərəfindən ifraz olunan və dövran edən şiş DNT (ctDNA) kimi tanınan 1800 mutasiyanı üzə çıxarıb. Bu ctDNA xərçəngi geri qayıdan 11 qadında uğurla aşkar edilib. Digər qadınların heç birində residiv qeydə alınmayıb. Diaqnoz qoyulan zaman, əməliyyat və kemoterapiyadan sonra qan testləri götürülüb. Sonra bu testlər növbəti ildə üç aydan bir və növbəti beş il üçün hər altı ayda bir təkrarlanıb. Orta hesabla, qan testləri simptomlar və ya taramalar görünməzdən 15 ay əvvəl xərçəngi aşkar edib.

Çikaqoda Amerika Klinik Onkologiya Cəmiyyətinin konfransında təqdim edilən nəticələrə görə, ən erkən dövr diaqnozun skanerlə təsdiqlənməsindən 41 ay əvvəl olub.

Cəmilə