Tibbdə yeni kəşf: 2 xəstəliyin 1 müalicə üsulu tapıldı

Alzheimer xəstəliyi zamanı beyində zəhərli amiloid protein aqreqatları əmələ gəlir. Alimlər yeni araşdırmada bu protein aqreqatlarının aortada (ürəyin sol mədəciyindən yaranan bədənin ən böyük arteriyasıdır - red.) yığılmasının onun daralmasına kömək etdiyini müəyyən ediblər.

Publika.az xəbər verir ki, tədqiqatın nəticələri “Cell Trends in Molecular Medicine” jurnalında dərc olunub.

Aorta qapağı kalsifikasiya edildikdə, mineral hidroksiapatitin mikrokristalları orada toplanır. Bu isə ürək funksiyasının pozulmasına səbəb olur. Diaqnoz qoyulduqdan sonra xəstələrin əksəriyyəti iki ildən çox yaşamır. Yeganə müalicə aorta qapağının dəyişdirilməsidir ki, bu da bütün xəstələr üçün uyğun deyil.

Alimlər yeni bir araşdırmada xəstələrin aorta qapaqlarının toxumalarında amiloid zülalını aşkar etmək üçün elektron mikroskopiyadan istifadə ediblər. Onlar “pis” xolesterinin yüksək səviyyələrinin amiloidlərin yığılması üçün şərait yarada biləcəyini deyiblər. Bu, hidroksiapatit kristallarının təməlinə çevrilə bilər.

Bu isə o deməkdir ki, amiloid yığılması ilə mübarizə aparan dərmanlar təkcə Alzheimer xəstəliyi üçün deyil, həm də aorta qapağının kalsifikasiyası olan insanlar üçün faydalı ola bilər.

Cəmilə