Piylənmənin müalicəsi üçün implant yaradıldı - Pişiklərdə TEST EDİLDİ

Amerika startapı "Okava Pharmaceuticals" və əczaçılıq şirkəti Vivani Medical pişiklərdə piylənmənin müalicəsi üçün Ozempic analoq preparatından istifadə edərək implant yaradıb.

Publika.az xəbər verir ki, bu barədə "Reseptsiz" "Telegram" kanalı məlumat yayıb .

Kiçik bir heyvan qrupu üzərində inkişafın tədqiqi göstərib ki, bu, 112 gündə ən azı 5% çəki itirməyə kömək edir. İndi şirkətlər dərmanın implant vasitəsilə bədənə nə qədər yaxşı sorulduğunu öyrənməyə davam edirlər.

Dərman insanlarda şəkərli diabet və piylənmə ilə mübarizədə istifadə edilən semaqlutid (Ozempic və Vegovi) preparatını ehtiva edən GLP-1 agonistləri sinfinə aiddir.

2022-ci ildə ABŞ-da ev pişik və itlərinin təxminən 60%-nə artıq çəki və ya piylənmə diaqnozu qoyulub, buna görə də dərman bazarda məşhur dərmana çevrilə bilər. Lakin 2007-ci ildə "Pfizer" itlərdəki piylənməni müalicə etmək üçün istifadə etdiyi dərmanı tələb olmadığı üçün bazardan geri götürülüb. Şirkət bunu ev heyvanlarında piylənmənin onların sahibləri tərəfindən müalicə tələb edən xəstəlik kimi qəbul edilməməsi ilə əlaqələndirib.

Baytarlar qeyd ediblər ki, implantlar şişlər kimi pişiyə xas yan təsirlərə səbəb ola bilər.

Hüseyn İbadlı