Qarderobunuzdakı bu aksesuarı TƏCİLİ ATIN - Köhnəldikdə xərçəngə səbəb olur

Aşağı keyfiyyətli gün eynəkləri ultrabənövşəyi radiasiyadan praktiki olaraq heç bir qorunma təmin etmədiyi üçün göz qapaqlarının xərçənginə və bulanıq görməyə səbəb ola bilər.

Publika.az xəbər verir bu açıqlama ilə Britaniyanın “The Mirror” nəşrinin jurnalistləri çıxış ediblər.

“Keyfiyyətsiz gün eynəkləri günəşin zərərli ultrabənövşəyi şüalarından az qorunduğu üçün gözləriniz təhlükəli ultrabənövşəyi radiasiyaya məruz qalacaq. UV şüalarına uzun müddət məruz qalma katarakt, makula degenerasiyası və göz qapağı xərçənginin inkişafı ilə əlaqələndirilir”, - məlumatda deyilir.

Həkimlərin fikrincə, göz qapağının xərçəngi, o cümlədən bazal hüceyrəli karsinoma və skuamöz hüceyrəli karsinoma ultrabənövşəyi şüalara məruz qalma ilə əlaqədardır.

Onkoloq Anton İvanov "360" telekanalına bildirib ki, erkən mərhələlərdə göz xərçəngi heç bir simptom olmadan baş verir. Gələcəkdə xəstəlik bəbək rənginin dəyişməsi, bəbəyin genişlənməsi, gözün ön hissəsində qan laxtalarının əmələ gəlməsi, tor qişanın qopması və gözün tez yorulması kimi özünü göstərə bilər.

Hüseyn İbadlı