Xərçəngin qeyri-adi əlaməti: "Doğuşdan əvvəl..."

"Burun, yanaq və ya qulaqlarda nazik, piqmentsiz tüklərin böyüməsi xərçəngdən xəbər verə bilər".

Publika.az "MedicalXpress"ə istinadla xəbər verir ki, bunu ABŞ-dan olan dermatoloq Skott Valter deyib.

Məməlilərin (insanlar da daxil olmaqla) dölünün bədənini örtən nazik və yüngül vellus tükləri lanuqo adlanır. Bu tip saçlar doğuşdan əvvəl demək olar ki, tamamilə tökülür. Həkim izah edib ki, lanuqo körpənin dərisini intrauterin mayedən qorumaq funksiyasını yerinə yetirir.

Yetkinlərdə yanaqlarda, burunda və qulaqlarda belə saçların görünməsi ağciyər, döş, uşaqlıq və ya yumurtalıqların xərçəngindən xəbər verə bilər.

Valter qeyd edib ki, bu tükün böyüməsi paraneoplastik simptom xarakteri daşıyır, yəni bədxassəli şişin klinik və laborator təzahürüdür.

Həkim əlavə edib ki, bu əlamət digər simptomlar görünəndən iki il sonra xərçəngə işarə edə bilər.

O xatırladıb ki, erkən mərhələdə xərçəng həm də dilin iltihabı, dadın dəyişməsi, saçın rənginin itirilməsi, xroniki ishal və çəki itkisi ilə müşayiət oluna bilər.

Hüseyn İbadlı