Səhiyyə

Xərçəng olduğu düşünülən şəxsin ağciyərindən görün nə çıxarıldı

25 İyul 2024 18:00

Çində 2 ildir öskürəyi keçməyən bir şəxsin xərçəng xəstəsi olduğu düşünülərkən, əsl səbəbin ağciyərlərində qalmış acı bibər parçası olduğu ortaya çıxıb.

Publika.az xəbər verir ki, Çinin şərqindəki Zhejiang əyalətində 54 yaşlı Xu davamlı öskürdüyü üçün bitki mənşəli dərman istifadə edib.

Tətbiq etdiyi üsullara baxmayaraq heç bir yaxşılaşma əlaməti olmayan Xu xəstəxanaya getməyə qərar verib.

Müayinələr nəticəsində həkimlər Xunun sağ ağciyərində təqribən 1 santimetrlik kütlə aşkar edib və bunun bədxassəli şiş ola biləcəyi ehtimalını nəzərdən keçiriblər.

Həkimlər Xuya tam diaqnoz qoymaq üçün ağciyər toxumasından bir parça götürüb testlər aparıblar. Testlər nəticəsində həkimlərin bədxassəli şiş olduğunu düşündüyü kütlənin acı bibər parçası olduğu anlaşılıb.

Bu zaman Xu xatırlayıb ki, 2 il əvvəl yemək yeyərkən boğazında bir tikə bibər ilişib və bu zaman kəskin öskürüb.

Aysel Şahmar