Bədxassəli qan xərçənginin simptomları - Zamanla sümüklər MƏHV OLUR

Bədxassəli xəstəlik miyeloma, sümüklərin məhv olması, anemiya, qarışıqlıq və nəfəs darlığı səbəbindən dözülməz ağrılara səbəb olur.

Publika.az xəbər verir ki, bu barədə "İzvestiya"ya həkim Roman İvanov məlumat verib .

O bildirib ki, miyelom orqanizmi virus və bakteriyalardan qorumaqdan məsul olan plazma immun hüceyrələrinin mutasiyaya uğradığı bədxassəli qan xəstəliyidir:

"M-zülallarını qana buraxaraq aktiv şəkildə bölünməyə başlayırlar. Bu molekullar normal qan əmələ gəlməsinə mane olur, immunitet sistemini pozur və zamanla sümüklərin məhvinə səbəb olur. Miyelomlu xəstələrdə anemiya və böyrək çatışmazlığı da müşahidə olunur.

Erkən mərhələlərdə xəstəlik asemptomatik ola bilər. Xəstəlik irəlilədikcə pisləşən sümüklər sinir liflərini sıxmağa başlayır. Bu, əzələlərdə dözülməz ağrı, zəiflik və uyuşmalara səbəb olur. Qanın qalınlığı da artır, bu da çaşqınlıq, danışma çətinliyi, nəfəs darlığı və burun qanamasına səbəb olur".

"Miyelomun dəqiq səbəbləri məlum deyil, lakin viral infeksiyalardan sonra, otoimmün xəstəliklərin fonunda inkişaf edə bilər. Bəzi mutasiyalar və piylənmə də riski artırır.

Xəstəliyin zirvəsi 70 yaşdan yuxarı insanlarda baş verir və kişilər qadınlardan daha çox təsirlənir", - həkim qeyd edib.

Hüseyn İbadlı