Gözə baxıb xəstəlikləri aşkar edən cihaz hazırlandı

“İndiana” Universitetinin alimləri sağlamlıq sahəsində irəliləyiş əldə ediblər. Yeni hazırlanmış cihaz sadəcə gözlərinizi müayinə etməklə müxtəlif xəstəlikləri aşkar edə bilir.

Publika.az xəbər verir ki, cihaz gözün sağlamlıq vəziyyəti ilə bağlı ipuclarını araşdıra bilən qabaqcıl texnologiyaya malikdir.

Tədqiqat qrupu 2000-ci illərdən bəri xəstəlikləri göz vasitəsilə aşkar etməyə kömək edən oftalmoskoplar üzərində işləyir.

Astronomiyadan ilham alaraq hazırlanmış bu cihazlar atmosferin və gözün optik sisteminin yaratdığı təhrifləri düzəldərək aydın görüntülər əldə edir.

Cihaz ayırdetmə qabiliyyəti ilə insan gözünün arxa hissəsini skan edə və qırmızı qan hüceyrələrinin hərəkətini anında izləyə bilir. Bundan əlavə, süni intellektin dəstəyi ilə cihaz tərəfindən toplanan məlumatlar tez və dəqiq təhlil edilir.

Tədqiqatın rəhbəri professor Börns alzheimer kimi xəstəliklərin gözdəki damarlarda izlər buraxdığını bildirib: "Hazırda bahalı PET skanerləri ilə bu əlamətləri görə bilirik. Ancaq eyni simptomları bir göz skanı ilə təsbit etsək, bu, daha az maliyyətə başa gələcək”.

Roza