Səhiyyə

"McDonald's"ın hamburgerini yeyən 49 nəfər zəhərləndi - 1 nəfər öldü

23 Oktyabr 2024 13:40

"McDonald's" "Quarter Pounder" hamburgerini yeyən 49 nəfər ölümcül bakteriyaya yoluxub. Həmin şəxslərdən 10-u xəstəxanaya yerləşdirilərkən, 1 nəfər dünyasını dəyişib. Məhsulun satışı müvəqqəti olaraq dayandırılıb.

Publika.az xəbər verir ki, ABŞ beynəlxalq fast food şəbəkəsi “McDonald's”la bağlı qida qalmaqalı ilə sarsıldı. ABŞ Xəstəliklərə Nəzarət və Qarşısının Alınması Mərkəzlərinin (CDC) verdiyi açıqlamada "McDonald's" "Quarter Pounder" hamburgerini istehlak edən 49 nəfərin Escherichia coli (E.coli) bakteriyasına görə xəstələndiyi, 10 nəfərin isə xəstəxanaya yerləşdirildiyi bildirilib.

Xəstələrin simptomlar görünmədən əvvəl “McDonald's”da yemək yediklərini və xüsusilə "Quarter Pounder" istehlak etdikləri məlum olub.

Açıqlamada bakteriyaya yoluxma hallarına səbəb olan qida maddəsinin hələlik dəqiq müəyyən edilmədiyi, mütəxəssislərin doğranmış soğan və mal əti küftələrindən şübhələndiyi qeyd olunub.

Aysel Şahmar