Appendiks xərçənginin effektiv MÜALİCƏSİ TAPILDI

Döş xərçəngi dərmanı olan "Palbociclib" appendiks şişlərinə qarşı təsirli ola bilər.

Publika.az xəbər verir ki, bu barədə “Journal of Clinical Oncology” (JCO) jurnalında dərc olunan araşdırma deyilir.

Peritoneal selikli karsinomatoz (peritonun şişi) appendiksə təsir edə bilən və çox vaxt standart kimyaterapiyaya davamlı olan xərçəng formasıdır. Bu xəstəlik bütün mədə-bağırsaq xərçənglərinin 1%-dən azını təşkil edir. Məsələn, ABŞ-da hər il 2000-dən az hadisə aşkar edilir.

Yeni araşdırmada bu şişi olan 16 xəstə iştirak edib. Onların əksəriyyəti əvvəllər müvəffəqiyyətsiz başqa müalicələr almışlar. Alimlər xəstələrin mutasiyalarını təhlil edərək müəyyən ediblər ki, GNA genində mutasiya olan şişlər "Palbociclib" dərmanına yaxşı reaksiya verir. Bu qrupdakı xəstələrin 80% -ində şişlə əlaqəli qan markerlərinin səviyyəsi azalmışdır.

Laboratoriya nəticələri də dərmanın xərçəng hüceyrələrinin bölünməsini yavaşlatdığını və ya dayandırdığını göstərib. "Palbociclib" tez-tez ciddi yan təsirlərlə əlaqəli olan kemoterapiya alternativ ola bilər. Artıq döş xərçəngi üçün təsdiqləndiyi üçün daha az əlavə tədqiqat tələb edəcək.

Hüseyn İbadlı