Azərbaycanda böyrək transplantasiyası hansı xəstəxanalarda həyata keçirilir? - Siyahı

Azərbaycanda 11 xəstəxanada böyrək transplantasiyası həyata keçirilir.

Publika.az xəbər verir ki, bu barədə Teleqraf.com-un sorğusuna cavab olaraq Tibbi Ərazi Bölmələrini İdarəetmə Birliyi (TƏBİB)-dən məlumat verilib.

Bildirilib ki, “Donor orqanların götürülməsi, hazırlanması, saxlanması, daşınması, idxalı və ixracını həyata keçirən tibb müəssisələrinin siyahısı” Azərbaycan Respublikası Nazirlər Kabinetinin 20 avqust 2021-ci il tarixli 235 nömrəli qərarı ilə müəyyən edilib. Qərar 2022-ci il yanvarın 1-dən qüvvəyə minib.

Həmin xəstəxanaların siyahısını təqdim edirik:

Akademik Mirməmməd Cavadzadə adına Respublika Kliniki Uroloji Xəstəxanası

Azərbaycan Respublikası Dövlət Gömrük Komitəsinin Tibbi Xidmət İdarəsinin Mərkəzi Hospitalı

Azərbaycan Respublikası Dövlət Təhlükəsizliyi Xidmətinin Hərbi-tibb baş idarəsinin Hərbi Hospitalı

Mərkəzi Neftçilər Xəstəxanası

“Mərkəzi Klinika” MMC

Respublika Müalicəvi Diaqnostika Mərkəzi

Azərbaycan Tibb Universitetinin Tədris-Cərrahiyyə Klinikası

“Gəncə Müalicə Diaqnostika Mərkəzi” MMC

Bakı Sağlamlıq Mərkəzi

"Bona Dea" Beynəlxalq Xəstəxanası

“Yeni Klinika” publik hüquqi şəxs.