Səhiyyə

Ölümcül epidemiya sürətlə yayılır - 1 həftədə 10 nəfər öldü

21 Yanvar 2025 16:40

Qərbi Afrika ölkələrindən olan Nigeriyada “Lassa” qızdırması epidemiyası yayılmaqdadır.

Publika.az xəbər verir ki, Nigeriya Xəstəliklərə Nəzarət Mərkəzinin (NCDC) verdiyi açıqlamada ölkədə “Lassa” qızdırması epidemiyasının yayılmağa davam etdiyi bildirilib.

Açıqlamada ölkədə son bir həftədə 54 “Lassa” qızdırması hadisəsinin aşkar edildiyi, epidemiya səbəbindən 10 nəfərin həyatını itirdiyi vurğulanıb.

Bu xəstəlik keçən il ölkə daxilində 190 adamın ölümünə səbəb olub.

Qeyd edək ki, Mali, Toqo, Qana, Liberiya və Sierra Leone kimi bir çox Afrika ölkəsində müşahidə edilən “Lassa” qızdırması ilk dəfə 1969-cu ildə Nigeriyanın şimal-şərqindəki Borno əyalətində aşkarlanıb. Nigeriya hökuməti 23 yanvar 2019-cu ildə “Lassa” qızdırması səbəbindən fövqəladə vəziyyət elan edib.

Aysel Şahmar