Səhiyyə

Bu ölkədən ETİRAF: Dünyanın ən xəstə əhalisi bizdədir

14 Fevral 2025 17:48

ABŞ-ın səhiyyə və sosial xidmətlər naziri Robert Kennedi qeyd edib ki, Birləşmiş Ştatlar dünyada ən yüksək xəstəlik səviyyəsinə malikdir.

Publika.az xəbər verir ki, ABŞ Senatı tərəfindən 26-cı səhiyyə naziri kimi təsdiq edilmiş Robert Kennedi “Fox News”a danışıb.

Nazir nəzarət etdiyi agentlikləri sağlam həyat tərzinin təşviqinə yönəltməyə söz verib:

"Amerikanı yenidən sağlam et" adlı böyük kampaniyaya başlamışıq. Beləliklə əhalini daha sağlam olmağa təşviq edəcəyik. Dünyadakı bütün dərmanların 70 faizini alırıq. Digər ölkələrlə müqayisədə səhiyyəyə iki-üç dəfə çox pul xərcləyirik, lakin ən pis göstəricilər bizdədir".

Qeyri-hökumət təşkilatı Birlik Fondunun 2024-cü il hesabatına görə, ABŞ səhiyyə sistemi ümumi daxili məhsulun təxminən 18 faizi ilə dünyanın ən yüksək səhiyyə xərclərinə malik olmasına baxmayaraq, 10 inkişaf etmiş ölkə arasında sonuncu yerdədir. Siyahıda liderlər Avstraliya, Niderland və Böyük Britaniya olub.

Aysel Şahmar