Səhiyyə

ÜST: Ukraynada 9,2 milyon insan...

22 Fevral 2025 15:25

Ümumdünya Səhiyyə Təşkilatının (ÜST) Ukraynadakı nümayəndəsi Jarno Habiçt bu il adıçəkilən ölkədə 9,2 milyon insanın tibbi yardıma ehtiyacı olacağını bildirib.

Publika.az xəbər verir ki, Habiçt öz qiymətləndirmələrini Birləşmiş Millətlər Təşkilatının (BMT) Cenevrə ofisinin həftəlik mətbuat konfransındakı onlayn iştirakında deyib.

Nümayəndə Rusiya ilə Ukrayna arasında müharibənin 2022-ci ilin fevralında başladığını xatırladıb:

“Ukraynada əhalinin 25 faizinin tibbi xidmətlərə əlçatanlığı müharibədən əvvəlki dövrlə müqayisədə daha pisdir. Ukraynada təqribən 9,2 milyon insanın sağlamlıq yardımına ehtiyacı var. ÜST və tərəfdaşları ən kritik ehtiyaclara fokuslanaraq 3 milyon insana yardım edə bilər. Bu xidmətlər üçün 130 milyon dollardan çox vəsaitə ehtiyac var”.

Aysel Şahmar