Dünyada hər dəqiqədə dörd qadında bu xəstəlik aşkarlanır

Beynəlxalq Xərçəng Araşdırmaları Agentliyinin (IARC) rəsmisi dünyada hər dəqiqə dörd qadına döş xərçəngi diaqnozu qoyulduğunu və hər dəqiqə bir qadının bu xəstəlikdən dünyasını dəyişdiyini bildirib.

Publika.az xəbər verir ki, Ümumdünya Səhiyyə Təşkilatına bağlı Beynəlxalq Xərçəng Araşdırmaları Agentliyi (IARC) 2050-ci ilə qədər bütün dünyada süd vəzi xərçəngi diaqnozu və ölüm hallarının əhəmiyyətli dərəcədə artacağını açıqlayıb. IARC-in təhlilinə görə, dünya üzrə hər 20 qadından birinə yaxın 25 il ərzində həyatı boyu ən azı bir dəfə döş xərçəngi diaqnozu qoyulacaq.

Araşdırmaya görə, mövcud tendensiyalar davam edərsə, 2050-ci ilə qədər hər il 3,2 milyon yeni yoluxma və 1,1 milyon ölüm baş verəcək. Böyük Britaniyada illik döş xərçəngi diaqnozu 2022-ci ildəki 58,756-dan 2050-ci ilə qədər 71,006-ya yüksələcək. Eyni dövrdə süd vəzi xərçəngindən ölüm halları 12 122-dən 17 261-ə yüksələcək.

Tədqiqatlar göstərir ki, döş xərçəngi hallarının təxminən dörddə birinin qarşısını almaq olar. Alkoqol istehlakını azaltmaq, sağlam çəki saxlamaq və daha aktiv həyat tərzinə keçmək riski azalda biləcək tədbirlərdəndir.

Döş xərçəngi bütün dünyada qadınlar arasında ən çox yayılmış xərçəng növü olsa da, xəstəliyin yayılması regionlara görə dəyişir. IARC-in məlumatına görə, diaqnozun ən yüksək olduğu regionlar Avstraliya və Yeni Zelandiya, sonra Şimali Amerika və Şimali Avropadır. Bu göstəricilər Asiya və Afrikada daha aşağıdır. Bununla belə, ölüm nisbəti ən yüksək Melaneziya, Polineziya və Qərbi Afrikadadır.

Aysel Şahmar