Sağlam ömrü uzatmağın DÖRD YOLU - Həkimdən "qızıl məsləhət"lər

Uzunömürlülüyün dörd sütunu xəstəliklərin erkən aşkarlanması, ürək-damar və metabolik sağlamlığın optimallaşdırılması, iltihabla mübarizə, idrak və fiziki hazırlığın qorunmasıdır.

Publika.az xəbər verir ki, bu barədə "WellnessPulse"ə ABŞ- dan olan immunoloq və ailə həkimi Dr.Helen Messier məlumat verib.

Həkim izah etdi ki, sağlam ömür illərini uzatmaq üçün mütəmadi olaraq qan təzyiqi, qanda şəkər və xolesterin səviyyəsi, çəki və bədən ölçülərinə nəzarət etmək lazımdır. Bu göstəricilərdəki dəyişikliklər müxtəlif patologiyaların əlamətlərini vaxtında görməyə kömək edəcəkdir. Həkim mütəmadi tibbi müayinələrin aparılmasının vacibliyini də vurğulayıb.

"Ən vacib vərdişlər gündəlik fiziki fəaliyyət, keyfiyyətli yuxu, yaxşı qidalanma, stressin idarə edilməsi və müntəzəm sosiallaşmadır. Bu ardıcıllıq bütünsağlamlıq kateqoriyalarında uzun müddət ərzində kumulyativ təsir göstərir", - deyə həkim izah edib.

O qeyd edib ki, düzgün qidalanma pəhrizə antioksidantları olan qidaların daxil edilməsini nəzərdə tutur:

"Hüceyrələri oksigenin aktiv formalarının zədələnməsindən və orqanizmdə iltihablanmadan qoruyan təbii maddələrə belə ad verilir. Antioksidantlar çay, qəhvə, meyvə, tərəvəz, kakao və balıq və qoz-fındıq kimi sağlam yağlarda olur.

Güc məşqləri, gəzinti, velosiped sürmə və üzgüçülük hərəkətliliyi və dözümlülüyü qorumaq, ürək xəstəliklərinin qarşısını almaq, piylənmə və diabetdən qorunmaq üçün yaxşı seçimdir. Əlavə yoga dərsləri də elastiklik və tarazlığı inkişaf etdirməyə kömək edəcək. Bu keyfiyyətlər xüsusilə yaşlılar üçün vacibdir, çünki onlar yıxılma və sınıq riskini azaltmaqdan məsuldurlar".

Hüseyn İbadlı