Ürək xəstəliyi olanlara şad xəbər: Bu cihazın köməyi ilə...

ABŞ alimləri düyü dənəsindən də kiçik olan və bədənə yeridilə bilən dünyanın ən kiçik kardiostimulyatorunu hazırlayıblar.

Publika.az xəbər verir ki, müvəqqəti ürək tənzimləyicisi kimi hazırlanmış bu yeni cihaz işıqla idarə oluna bilir və müəyyən müddətdən sonra bədəndə əriyir.

Dünyada milyonlarla insan ürək ritmini tənzimləmək üçün elektrik impulsları göndərən daimi kardiostimulyatorlara ehtiyac duyur. Yeni hazırlanan cihazın xüsusilə anadangəlmə ürək xəstəliyi ilə doğulan körpələr və əməliyyatdan sonra müvəqqəti kardiostimulyatora ehtiyacı olanlar üçün əhəmiyyətli həll olacağı gözlənilir.

Cihazın yetkin xəstələrdə ürək əməliyyatından sonra normal ritmlərinə qayıtmalarına kömək etmək üçün istifadə oluna biləcəyi də bildirilir. Müvəqqəti kardiostimulyatorlar ürək əzələsinə tikilmiş elektrodlarla və xəstənin döş qəfəsinə qoşulan naqillərlə işləyir.

Araşdırmanın baş müəllifi ABŞ-ın “Northwestern” Universitetindən Con Roqers bildirib ki, kardiostimulyator 2-3 il ərzində insanlarda sınaqdan keçirilə bilər.

Roza