Xərçəngin müalicəsində inqilab: Elə bir üsul tapıldı ki...

Yan təsirləri olmayan xərçəng əleyhinə dərmanlar hazırlanır.

Publika.az xəbər verir ki, bu haqda məlumat "Nature Communications" jurnalında dərc olunub.

Professor Raj Kumarın rəhbərlik etdiyi bir araşdırma ilk dəfə olaraq steroid hormon reseptorları adlanan zülalların strukturunu təfərrüatlı şəkildə izah edib.

Bu reseptorlar döş, prostat və yumurtalıq xərçəngi kimi hormona bağlı şişlərin müalicəsi üçün əsas hədəfdir. Məsələ burasındadır ki, dərmanlar təkcə şişi deyil, həm də sağlam orqanları bloklayır, ciddi yan təsirlərə səbəb olur. Məsələn, döş xərçənginə qarşı dərmanlar uşaqlıq yolu xərçəngi riskini artıra bilər.

Kumarın komandası ilk dəfə olaraq bu reseptorların hüceyrələrin içərisində necə mürəkkəb zülal birləşmələri meydana gətirdiyini göstərib. Bu kəşf başqa orqanlara təsir etmədən yalnız xəstə toxumalarda olan reseptorları dəqiq şəkildə “söndürməyə” kömək edə bilər.

Tədqiqatçılar hesab edir ki, onların işi yeni nəsil dərmanların yaradılmasına zəmin yaradacaq.

Adəm