Üç həkimdən HƏYƏCAN TƏBİLİ - Erkən yetişən qarpızlar buna görə ÖLÜM GƏTİRİR

"İyun və iyulun əvvəllərində satışa çıxarılan qarpızlar çox vaxt böyük miqdarda azot gübrələrindən istifadə edilməklə yetişdirilir".

Publika.az xəbər veri ki, bunu Moskva vilayətinin Səhiyyə Nazirliyinin Vidnovskaya Klinik Xəstəxanasının yetkin əhalinin profilaktikası və sağlamlığı mərkəzinin rəhbəri Zarema Ten "RİA Novosti"yə deyib.

O bildirib ki, erkən yeyilən qarpız nəticəsində orqanizmdəki nitratlar təhlükəli nitritə çevrilir, bu səbəbdən qarpızları yalnız mövsümdə, avqustdan sentyabr ayına kimi etibarlı yerlərdən və məhsulun təhlükəsizliyini təsdiq edən sertifikatlarla almaq lazımdır.

Ekoloq İlya Rıbalçenko bildirib ki, qarpız yetişdirilərkən kimyəvi maddələrdən istifadə kifayət qədər geniş yayılıb. Onun sözlərinə görə, nitratlar vicdansız istehsalçılara ən qısa müddətdə böyük məhsul əldə etməyə imkan verir, lakin onlar məhsulun dadı və faydası barədə düşünmürlər.

Krasnoqorsk xəstəxanasının ümumi praktiki həkimi Yekaterina Sysoeva deyib ki, nitratlar təkcə qarpız və qovunlarda deyil. O, insanları çiyələk və digər giləmeyvələrə diqqət yetirməyə çağırıb. Onun sözlərinə görə, əgər meyvə mükəmməl, nöqtəsiz və ləkəsiz görünürsə və parlaqdırsa, bu onun tərkibində zərərli maddələr ola biləcəyinə işarədir.

Hüseyn İbadlı