Səhiyyə

Ürəyin yükünü azaldan YUXU MÖVQEYİ - Gecələr daxilimizdə görün nələr baş verir

19 Oktyabr 2025 00:15

İspaniyalı dietoloq Reme Navarro sağlamlıq üçün ən faydalı yuxu pozasının hansı olduğunu açıqlayıb.

Publika.az xəbər verir ki, o, bu barədə "20minutos" nəşrinə müsahibəsində danışıb.

Navarro, ən yaxşı yuxu mövqeyinin sol böyrü üstə olduğunu vurğulayıb.

Mütəxəssisin sözlərinə görə, bu bədən mövqeyi həzm sisteminin normal işləməsinə kömək edir – qida bağırsaqlarda daha asan hərəkət edir və qaraciyər daha səmərəli fəaliyyət göstərir.

Bundan əlavə, sol böyrü üstə yatmaq bədənin sağ tərəfindən keçən əsas venaya düşən yükü azaldır, bu da ürəyin işini yüngülləşdirir və qan dövranını yaxşılaşdırır.

Navarro əlavə edib ki, bu poza qıcqırma əlamətlərini azaltmağa kömək edir və xüsusilə hamilə qadınlar üçün faydalıdır: plasentanın qanla təchizatını yaxşılaşdırır və qaraciyər ilə böyrəklərə düşən təzyiqi azaldır.

Hüseyn İbadlı