ŞOK ARAŞDIRMA: Uşaqlıq xatirələrini bərpa etmək mümkün oldu

İngiltərənin Anglia Ruskin Universitetinin alimləri müəyyən ediblər ki, insanın üzünün “uşaqlıq” versiyasına aidlik hissi onun erkən illərlə bağlı xatirələrini gücləndirir

Publika.az xəbər verir ki, bu araşdırma "Scientific Reports" jurnalında dərc olunub.

Təcrübədə iştirakçılara baş hərəkətlərini sinxron şəkildə təqlid edən üzlərinin videoları nümayiş etdirilib. Bir qrupda görüntülər redaktə edilərək daha gənc görünüş yaradılıb, digərində isə dəyişiklik edilməyib. Daha sonra könüllülərdən uşaqlıq və son bir illə bağlı hadisələri xatırlamaları istənilib.

Məlum olub ki, üzlərinin “uşaqlıq” versiyasını görən iştirakçılar uşaqlıq xatirələrinə dair daha çox detal və emosiyanı yada salıblar. Lakin bu effekt son dövrdəki hadisələrə təsir etməyib.

Tədqiqatın rəhbəri, professor Ceyn Aspell bildirib ki, “xatirələrimiz bədənimizlə bağlı hisslərlə birgə formalaşır. İnsan öz uşaqlıq ‘mən’i ilə əlaqəni yenidən qurduqda, beyin köhnə xatirələri aktivləşdirməyə kömək edən əlavə siqnallar alır.”

Alimlər hesab edirlər ki, bu cür üsullar gələcəkdə koqnitiv pozğunluqları olan insanlarda yaddaşı yaxşılaşdırmaq üçün istifadə oluna bilər.

Hüseyn İbadlı