Yeni yayılan ölümcül virusa qarşı PEYVƏND HAZIRLANDI

Tokio Universitetinin alimləri tərəfindən hazırlanmış Nipah virusuna qarşı peyvəndin ilk klinik sınaqları Belçikada başlayacaq.

Publika.az "Nikkei" qəzetinə istinadla xəbər verir ki, sınaqlar insanlar üzərində aparılacaq.

Qeyd edilib ki, dərman primat üzərində sınaqlarda tam qoruma nümayiş etdirib. Gələn il alimlər tədqiqatı Banqladeşdəki böyükləri və uşaqları da əhatə etmək üçün genişləndirməyi planlaşdırırlar.

Əvvəllər Nipah virusunun insanlara yarasalar və donuzlar kimi heyvanlardan keçə biləcəyi məlum idi. O, tənəffüs sisteminə nüfus edərək ensefalitə səbəb olur və təcili müalicə olmadan 75% hallarda ölümcül olur. Xəstəliyin ilk əlamətləri infeksiyadan 4-7 gün sonra görünür. Xəstəlik tənəffüs və mərkəzi sinir sistemlərinə hücum edərək beynin iltihabına səbəb olur ki, bu da çox vaxt ölümcül olur.

Yanvar ayında Hindistanın Kalkutta şəhəri yaxınlığında Nipah virusunun yayılması aşkar edilib. İndiyə qədər beş nəfər yoluxub, təxminən 100 nəfər isə karantindədir. Hazırda xəstəlik üçün heç bir müalicə və ya peyvənd yoxdur.

Hüseyn İbadlı