Fransa hantavirusun mutasiyası ilə bağlı AÇIQLAMA YAYDI

Fransa səhiyyə naziri Stefani Rist mütəxəssislərin yekun nəticə çıxarmaq üçün kifayət qədər məlumata malik olmadığını və buna görə də hantavirusun mutasiyaya uğrayıb-uğramadığını hələlik müəyyən edə bilmədiklərini bildirib.

Publika.az xəbər verir ki, o, bu brədə "Sky News" kanalına müsahibəsində danışıb.

Nazir qeyd edib ki, virusun tam DNT ardıcıllığı hələ əldə olunmayıb, buna görə də onun hələ mutasiyaya uğramadığına dair əminlik yoxdur.

Bundan əvvəl Ümumdünya Səhiyyə Təşkilatının rəhbəri Tedros Adanom Qebreyesus MV Hondius kruiz laynerinin 11 sərnişinində hantavirusa yoluxma halının qeydə alındığını açıqlayıb. Onun sözlərinə görə, bütün hallar gəmi sərnişinləri və ya heyət üzvləri arasında aşkar edilib ki, onlardan doqquzunun Andes virusuna yoluxması təsdiqlənib, digər iki hal isə ehtimal olunandır. Bildirilib ki, bütün bu hallar fərdi xarakter daşıyır və ciddi tibbi nəzarət altındadır, bu isə virusun daha geniş yayılma riskini istisna edir.

Hüseyn İbadlı