Son dəqiqə

SOCAR: Avropa Komissiyası “saatı durdurub”

4 Fevral 2015 17:00

Dövlət Neft Şirkəti Yunanıstanın DESFA şirkətinin səhmlərinin alınması prosesinin ilkin qiymətləndirilməsində Avropa Komissiyasının etdiyi qeydlərin nəzərə alınması istiqamətində Avropa Komissiyası ilə sıx əməkdaşlığı davam etdirir.

Publika.az şirkətə istinadən xəbər verir ki, Avropa Komissiyası məsələnin nəzərdən keçirilməsinin formal dövrü çərçivəsində “saatı durdurub”: “Bu isə tərəflərin hər ikisini qane edə bilən qərarın qəbul edilməsi və məsələnin Avropa Komissiyası tərəfindən gələcəkdə təhlil edilməsi üçün əlavə vaxt verəcək. Prosesin bu şəkildə müvəqqəti dayandırılması şirkətlərin birləşməsi və ya alınması üzrə sövdələşmələrin nəzərdən keçirilməsi zamanı müşahidə olunan adi hallardan biridır. Azərbaycan Respublikası Dövlət Neft Şirkəti yekun qərarın Avropa Komissiyasının preroqativi olduğu bu sövdələşmənin nəzərdən keçirilməsi prosesində bu günə kimi əldə olunmuş irəliləyişi müsbət qiymətləndirir”.

İqtisadiyyat şöbəsi