Sosial

Şaxta baba və Qar qız olmaq istəyənlərin NƏZƏRİNƏ

24 Dekabr 2018 13:27

Yeni il bayramı ilə əlaqədar paytaxtda Şaxta baba və Qar qız kimi fəaliyyət göstərmək istəyənlərin qeydiyyatı başlayır.

Bu barədə Publika.az-a Bakı Şəhər İcra Hakimiyyətinin Ticarət və Xidmət Departamentindən məlumat verilib. Məlumatda bildirilir ki, lisenziyaların verilməsinə sabahdan başlanır və proses yanvarın 13-dək davam edəcək.

Lisenziya almaq istəyənlər Departamentə müraciət edir. Dövlət rüsumunu ödəyib, lisenziya alanlar həmin gündən fəaliyyətə başlaya bilər.

Qeyd edək ki, Şaxta Baba və Qar qız kimi fəaliyyət göstərmək üçün qeydiyyat qaydalarında heç bir dəyişiklik yoxdur. Hər bir cütlük keçən il olduğu kimi lisenziya almaq üçün 60 manat ödəniş etməlidir.

Gülxar