Millət vəkili: "Avropanın etdiyi qısqanclığından başqa bir şey deyil"

Ölkəmizə qarşı irəli sürülən haqsız iradlar Avropanın bir şərq ölkəsinə qarşı qısqanclığından başqa bir şey deyil.

Bu sözləri Publika.az-a açıqlamasında millət vəkili Aydın Mirzəzadə bildirib.

Millət vəkili qeyd edib ki, 29 may tarixində Bakıda keçiriləcək UEFA Avropa Liqasının finalı ilə bağlı qərb ölkələri bir sıra əsassız qarayaxmalarla çıxış edirlər: "Azərbaycan son illər dünya səviyyəli beynəlxalq yarışlara, festivallara, müsiqi müsahibələrinə ev sahibliyi edib. Odur ki, UEFA Avropa Liqasının final mərhələsinin Azərbaycanda keçirilməsi olduqca məqsədə uyğundur. Ölkəmizdəki qiymətlər Avropadan qat-qat aşağı və əlverişlidir. Buraya otellərdəki qiymətlər, qida, nəqliyyat xərcləri və s. aiddir. Bundan əlavə Bakıdakı təhlükəsizlik sistemi də digər nəhəng paytaxlarla müqaisədə daha ürəkaçandır. Finala qatılacaq minlərlə turist ölkəmizin idmana olan yüksək səviyyəli münasibətindən savayı, qədim mədəniyyətimizlə də yaxından tanış olmaq imkanı əldə edəcəklər".

Leyla Sarabi