Sosial

DSMF-nin gəlirləri 9% artıb

29 Dekabr 2021 11:43

Dövlət Sosial Müdafiə Fondunun gəlirləri müsbət dinamika ilə inkişaf edib.

Publika.az xəbər verir ki, bunu Fondun sədri Himalay Məmişov "2021-ci ilin yekunlarına dair" mətbuat konfransında deyib.

Onun sözlərinə görə, cari ilin gəlirləri 5,152 milyard manat təşkil edib: "Bu göstərici 2020-ci illə müqayisədə 8,5% - 403 milyon manat çoxdur. Bu il məcburi dövlət sosial sığorta haqları (MDSS) 3,81 milyard manat təşkil edib. MDSS daxilolmalarının 2021-ci ilin proqnozuna nisbətdə artımı 8,8% təşkil edib. Cari ildə xərclər 4,841 milyard manat olub. Bu xərclərin 4,716 milyard manatı əhaliyə ödənilən vəsaitdir. Bu da 2020-ci illə müqayisədə 2,8% artım deməkdir".

Himalay Məmişov qeyd edib ki, əhaliyə ödənilən ödənişlərin 4,591 milyard manatı əmək pensiyaları, 125 milyon manatı MDSS üzrə müavinət, 125 milyon manatı digər xərclərdir.