Sosial

Azərbaycanda dağıdıcı zəlzələ gözlənilir? - Türkiyə və İrandakı tektonik qırılmalar...

23 Noyabr 2022 13:20

“Yaxın günlərdə Azərbaycanda güclü və dağıdıcı zəlzələ gözlənilmir”.

Bu sözləri Publika.az-a açıqlamasında professor seysmoloq Qurban Yetirmişli bildirib.

“Son zamanlarda Türkiyə, İndoneziya və İranda güclü zəlzələlər müşahidə edilir. Qeyd etmək istəyirəm ki, bu hal insanları qorxutmasın. Sadalanan bölgələrdə tektonik qırılmalar, bioloji quruluş, litosferdə gedən hərəkətlərin bizə təsiri ola bilməz. Təbii ki, bəzi hallarda istisnalar var. Məsələn, sərhədə yaxın əraziləri nəzərdə tuturam. Bir müddət öncə Xoy şəhərində baş verən zəlzələnin təxminən dörd bala yaxın təsiri Naxçıvanda hiss olunmuşdu.

Ölkəmizdə isə hər gün xırda təkanlar hiss olunur və müəyyən cihazlar tərəfindən qeydə alınır. Ümumiyyətlə, elə bir gün yoxdur ki, kiçik zəlzələlər baş verməsin.

Onu da deyim ki, yaxın vaxtlarda Azərbaycanda güclü, dağıdıcı zəlzələ gözlənilmir”.

Ayşən Rəhim