“50 partiyadan yalnız 11-nin adını saya, xatırlaya bildim” - Millət vəkili

“Mən burada fikirləşdim. Ölkədə 50-dən çox siyasi partiya var, amma onlardan cəmi on birinin adını saya, xatırlaya bildim. Sizin hər biriniz də bir dəqiqə partiyaları saysanız, 50 partiyadan yalnız bir neçəsini saya bilərsiniz”.

Publika.az xəbər verir ki, bunu millət vəkili Elman Nəsirov Milli Məclisdə İctimai birliklər və dini qurumlar, Hüquq siyasəti və dövlət quruculuğu komitəsi və İnsan hüquqları komitələrinin birgə iclasında “Siyasi partiyalar haqqında” qanun layihəsinin birinci oxunuşda müzakirəsi zamanı deyib.

Deputat yeni qanunun üstünlüklərindən danışarkən bildirib ki, ortaya qoyulan layihədə prezident seçkilərində tələb olunan nə yaş senzi, nə 10 illik müddət, nə də ali təhsilli olmaq məsələsi tələb kimi qoyulmayıb:

“Əgər qanun hazırlanarkən Venessiya Komissiyasının tövsiyyələri nəzərə alınıbsa, onlarla ölkənin təcrübəsi öyrənilibsə, buna necə etiraz etmək olar?!”.

Deputat əlavə edib ki, qanun ilkin müzakirəsi zamanı tənqidi fikirlər daha çox olub: “Ancaq indi biz tənqidləri daha az eşitdik, daha çox texniki məsələlər qaldırıldı”.

Səxavət