Prezidentlərin Naxçıvan görüşü Türkiyə mediasında

Azərbaycan və Türkiyə prezidentlərinin Naxçıvan görüşü və iki ölkə arasında sazişlərin imzalanması Türkiyə mediasında geniş işıqlandırılıb.

Publika.az xəbər verir ki, ölkənin bir çox saytları, qəzetləri və xəbər kanalları İlham Əliyevin və Türkiyə Prezidenti Rəcəb Tayyib Ərdoğanın Naxçıvan görüşündə mühüm məsələləri müzakirə etdiklərini izləyicilərin diqqətinə çatdırıb.

Paylaşımlarda bildirilib ki, iki ölkəninin enerji, nəqliyyat, tranzit sahələrindəki əməkdaşlıq əlaqələrinin möhkəmlənməsinə dair imzalanan müqavilələr qarşılıqlı faydalı olmaqla yanaşı, həm də regionda sülhə və sabitliyin davamlı olmasına xidmət edəcək.

Kompleksin açılışı və Qars-Naxçıvan Dəmir Yolu Layihəsi ilə bağlı müqavilənin imzalanması da müdafiə sənayesi əməkdaşlığının inkişafı baxımından mühüm əhəmiyyət kəsb edir. Türkiyə Naxçıvan bölgəsində bərpa olunan enerji layihələrini dəstəkləyəcək.

Türk mediasi onu da qeyd edib ki, Azərbaycan ilə Türkiyə Avropanın enerji təhlükəsizliyinin təmin olunmasında mühüm rol oynayırlar.

Bildirilib ki, Ermənistan silahlı qüvvələrinə qarşı aparılan antiterror tədbirlərindən sonra bölgədəki vəziyyət barədə Prezident Ərdoğana məlumat verilməsi görüşün ən mühüm mövzularından biri olub. Görüşlər zamanı Zəngəzur dəhlizi ilə bağlı qiymətləndirmə aparılıb.

Nəzrin