Kiminsə xətrinə dəymədən hədiyyəni necə qaytarmaq olar? - Psixoloq məsləhəti

Bəzən hədiyyə insanı pis vəziyyətə sala bilər. Belə ki, çox şəxsi, bahalı və ya sadəcə uyğunsuz olduğu ortaya çıxa bilər.

Publika.az xəbər verir ki, psixoloq Marina Krapivnaya belə hədiyyədən nəzakətlə imtina etməyin yollarını izah edib.

"Hədiyyə kiməsə borclu olduğunu hiss etdirirsə, ondan imtina edə bilərsiniz. Bəzən hətta etməlisən. Belə vəziyyətlərdə imtina etmək kobudluq deyil, özünə hörmət əlamətidir", - Krapivnaya izah edib.

Ekspertin fikrincə, əsas məsələ sakit və ittihamsız danışmaq, qərarınızı izah etməkdir. Neytral dildən istifadə edə bilərsiniz. Məsələn: "Diqqətinizə görə minnətdaram, lakin belə bahalı hədiyyəni qəbul edə bilmərəm, özümü məcburiyyətli hiss edərdim", "Təşəkkür edirəm, amma bizim qaydalarımıza görə, şəxsi hədiyyələri qəbul edə bilmərəm" və ya "Belə bir hədiyyəni qəbul edəndə özümü narahat hiss edirəm, bu, bizim ünsiyyət səviyyəmiz üçün çox şəxsidir".

"Sizin sərhədləriniz şıltaqlıq deyil. Onlar başqaları ilə sağlam münasibətlərə diqqət yetirmək məsələsidir. Onlara hörmət etmək sizi nankor etmir", - deyə ekspert yekunlaşdırıb.

Adəm