Xəzərdə köməksiz qalan balıqçılar xilas edildi
Bizi izləyin
Aptekonline

Sosial

Xəzərdə köməksiz qalan balıqçılar xilas edildi

Xəzərdə köməksiz qalan balıqçılar xilas edildi

Xəzər dənizində köməksiz vəziyyətdə qalan azərbaycanlılar xilas edilib.

Bu barədə Publika.az-a Dövlət Sərhəd Xidmətindən məlumat verilib.

Bildirilib ki, Dövlət Sərhəd Xidməti Sahil Mühafizəsinin sahil nəzarəti bölməsinə "Yamaha-55" markalı, "Mİ-912" bort nömrəli balıqçı qayığının mühərrikində yaranmış problemlə əlaqədar 2 nəfər heyət üzvünün köməksiz vəziyyətdə qalması barədə məlumat daxil olub.

Qayığın və heyət üzvlərinin xilas edilməsi məqsədi ilə dövlət sərhədinin mühafizəsində olan sərhəd gəmisi koordinatlar üzrə dərhal həmin istiqamətə göndərilib.

Keçirilmiş təxirəsalınmaz tədbirlər nəticəsində dənizdə köməksiz vəziyyətdə qalan Neftçala rayon sakinləri – 1977-ci il təvəllüdlü Rzayev Faiq Nadir oğlu və 1989-cu il təvəllüdlü Məhərrəmov Rauf Museyib oğlu sərhədçilər tərəfindən xilas edilərək təhlükəsiz şəraitdə sahilə çıxarılıb.

Photo Photo Photo
Oxumağa davam et
Reklam
Reklam

Gündəm

Aptekonline