Sosial

8 Martla bağlı FIRILDAQ - Pulunuzu bu yolla mənimsəyə bilərlər

4 Mart 2026 16:52

8 Mart öncəsi fırıldaqçılar fəallaşaraq insanları saxta saytlar vasitəsilə asan yolla pul qazanmağa həvəsləndirirlər.

Publika.az "RİA Novosti"yə istinadən xəbər verir ki, bu barədə hüquqşünas Viktoriya Tyutyunnikova məlumat verib.

Hüquqşünas bildirib ki, fırıldaqçılar mesajlaşma proqramlarında guya bayram kampaniyalarına aid linklər yayırlar. Qadınlara endirimlə teatr və muzey biletləri təklif olunur.

"Bu saytlara aldanmayın. Etdiyiniz ödənişlər fırıldaqçıların əlinə keçir", - deyə Tyutyunnikova xəbərdarlıq edib.

Bundan əlavə, fırıldaqçılar mağazalar və gül çatdırma xidmətlərinin adından e-poçtlar göndərərək insanları şəxsi məlumatlarını saxta saytlara daxil etməyə sövq edirlər. Eyni zamanda, 8 Mart lotereyası adı ilə göndərilən bildirişlərdə qaliblərdən "kiçik məbləğ" ödəmələri tələb olunur.

Adəm