Görün Rusiyada süpürgəçilər nə qədər maaş alır

2025-ci ildə Rusiya biznes mərkəzlərində təmizlik işçilərinin maaşları ixtisaslı ofis işçilərinin maaşları ilə müqayisə edilə bilər.

Publika.az xəbər verir ki, bu barədə "RİA Novosti" "Manufaqtury" şirkətinə istinadən məlumat yayıb.

Bildirilir ki, kommersiya obyektlərində təmizləyicilərin aylıq əmək haqqı 100.000 rublu (2 min 200 manat) keçib. Ekspertlər qeyd ediblər ki, bu, ixtisaslı ofis işçilərinin qazancı ilə müqayisə edilə bilər.

Qaynaqçılar və mexaniklər də daxil olmaqla, ən çox tələb olunan mütəxəssislərin əmək haqqının əhəmiyyətli dərəcədə artması qeydə alınıb. Məsələn, hazırda standart bir işi yerinə yetirmək qaynaqçıya bir neçə saat üçün orta hesabla 30.000 - 40.000 rubl (650-870 manat) qazandırır. Mühəndis və texniklərə gəldikdə isə onların əmək haqqı ötən il 50-70 faiz artıb.

Şirkətin baş direktoru Olqa Volodina bu tendensiyanı sənayedə təcrübəli işçilərin kəskin çatışmazlığı və yüksək kadr dəyişikliyi ilə əlaqələndirib. O bildirib ki, bu amillər işəgötürənlər arasında yüksək ixtisaslı mütəxəssislər uğrunda rəqabətin artmasına səbəb olub.

Mal və qida çatdırılması sektorunda da əmək haqqının müqayisəli artımı qeydə alınıb. Məsələn, 2024-cü ildə Rusiyada kuryerlərin əmək haqqı başlanğıc səviyyəli proqramçıların əmək haqqına bərabər olub və ayda 155.000 rubla (3 min 400 manat) çatıb.

Adəm