Mirzoyana sui-qəsd cəhdi: bir nəfər həbs edildi

Ermənistan Milli Təhlükəsizlik Xidməti (MTX) parlamentin eks-spikeri, hazırda isə Xarici İşlər Nazirliyinin rəhbəri Ararat Mirzoyanı öldürməyə cəhddə şübhəli bilinən vətəndaşlardan birini saxlayıb.

Publika.az xəbər verir ki, bu barədə Ermənistan MTX-nin mətbuat xidməti məlumat yayıb.

Bildirilib ki, noyabrın 10-na keçən gecə Ermənistan, Rusiya və Azərbaycan liderlərinin Qarabağda hərbi əməliyyatların dayandırılmasına dair üçtərəfli bəyanatın imzalamasından xəbər tutan Ermənistan vətəndaşı T.A. İrəvandakı parlament binasına gedib.

Orada, eləcə də hökumət binalarında həmin vaxt iğtişaşlar olub. Mirzoyanın avtomobilini Dəmirçyan və Proşyan küçələrinin kəsişməsində görən T.A. iğtişaşçıların qalan hissəsinə qoşulub, onlar maşını saxlayıb, Mirzoyanı maşından sürüyərək düşürüb və döyməyə başlayıblar.

Müəyyən edilib ki, fəallar Mirzoyanın başına təpik vurublar, nəticədə eks-spiker çoxsaylı sınıqlar və digər bədən xəsarətləri ilə huşsuz vəziyyətdə xəstəxanaya yerləşdirilib.

T.A ilə bağlı cinayət işi başlanıb. Milli Təhlükəsizlik Xidməti onun iki ay müddətinə həbs edilməsi ilə bağlı vəsatəti məhkəməyə təqdim edib və təmin edilib.

Akqabay