Tabloid.az
14 yaşında ərə gedən azərbaycanlı aktrisa: “Yoldaşımın başqa ailəsi olduğunu bilmirəm” – FOTOLAR
Şəki Dövlət Dram Teatrının aktrisası Sima Şabanovanın Publika.az-a müsahibəsi
- Sima xanım, sizinlə bağlı çox az məlumata malikik...
- Mən 14 yaşımda ərə getmişəm, elə həmin ildən də teatrda işləyirəm. Universitet bitirməmişəm. Çox maraqlı və qarışıq həyat hekayəm var.
- Neçə ildir teatrda işləyirsiniz?
- 19 ildir.
- Yetərincə gəncsiniz. Neçə yaşınız var ki, 19 ildir teatrdasınız?
- 1982-ci ildə anadan olmuşam.
- Bu müddət ərzində yalnız Şəki Dövlət Dram Teatrında işləmisiniz?
- Şəki Dövlət Dram Teatrında, Şuşa Teatrında işləmişəm.
- Sonuncu iş yeriniz hara olub?
- Ümumiyyətlə, mənim daimi iş yerim Şəki Dövlət Dram Teatrıdır.
- Amma Şuşa Teatrındakı tamaşalarda da oynamısınız.
- Bəli, Bakıda da bəzi filmlərə çəkilmişəm.
- Hansı filmlərə?
- Cavid Təvəkkülün “Döngələr” filminə və Nadir Diridağlının “Tək olanda qorxma” serialına çəkilmişəm.
- Sizcə, aktrisa olmaq üçün təhsil nə dərəcədə vacibdir?
- Əlbəttə, təhsil çox vacibdir.
- Aktrisalığa gəlişinizi təsadüf saymaq olar, yoxsa bu, doğrudan da, sevdiyiniz peşədir?
- Bu sənətə qarşı çox böyük məhəbbətim var.
- Ali təhsil almaq istərdiniz?
- Əlbəttə, istərdim. Sadəcə, vaxtım olmadığı üçün təhsil ala bilmədim.
- Bundan sonra təhsil alacaqsınız?
- Bu barədə fikirləşirəm. Ola bilsin, bu il sənəd verdim.
- Hazırda seriala, filmə çəkilirsiniz?
- Xeyr, hazırda Bakıdayam və heç bir çəkilişim yoxdur.
- Açıq-saçıq rollar təklif olunsa, razılıq verərdiniz?
- Əslində, bu, problem deyil. Amma kim istəyirsə çəkilir, istəməyən çəkilmir.
- Siz çəkilərsiniz?
- Yox, imtina edərəm. Əslində, mənimçün də problem deyil. Amma insan ailəsini düşünür.
- Siz ailəlisiniz?
- İki övladım var, amma ailəli deyiləm.
- Nə zamandan?
- Bir az olar.
- Sizi 14 yaşında hansı ağılla ərə veriblər?
- Bir anam idi, o da xəstəydi.
- Bəs sizi kim ərə verib?
- Özüm qoşulub qaçmışdım.
- Qaçdığınız adamın neçə yaşı vardı?
- 21 yaşı vardı.
- Neçə il bir yerdə yaşadınız?
- İndiyə qədər.
- Axı deyirsiniz ki, ailəli deyilsiniz...
- Yəni mənim onunla rəsmi nikahım yoxdur.
- Bəs o insan ailəlidir?
- Bu barədə məlumatlı deyiləm.
- Teatr aləmindən olan adamdır?
- Yox, yox, bizneslə məşğuldur.
- Övladlarınız onun adını və soyadını daşıyır?
- Bəli.
- Nə əcəb indiyədək münasibətləri rəsmiləşdirməmisiniz?
- Buna ehtiyac durmuram.
- Səbəb?
- Ola bilsin, bu, mənim sənətimlə bağlıdır.
- Nə mənada? Məgər aktrisa rəsmi nikahsız yaşamalıdır?
- Yox, elə demək istəmədim. Yəni mən onunla ailə qursam, evdə oturmalı olacağam.
- Düşünürsünüz ki, belə daha yaxşıdır?
- Mən 18 ildir bu sənətlə yaşayıram və bu sənət mənim ailəmdir. Amma kimləsə ailə qursam, gərək evdə oturum, sənətimdən ayrı düşüm.
- İndi o şəxs sizə qadağa qoymur?
- Xeyr.
- Bəs maddi dəstək verir?
- Bəli.
- Başqa yerdən gəliriniz olurmu?
- Şəki teatrından 170 manat əməkhaqqı alıram və çəkilişlərdən az-çox qazanıram.
- Övladlarınızın neçə yaşı var?
- Oğlumun 18, qızımın 12 yaşı var.
- Hər ikisinin valideyni eyni şəxsdir?
- Bəli, odur.
- Bu peşəyə meyli olanı varmı?
- Qızımın istəyi var idi, imkan vermədim.
- İstərdiniz qızınız kimləsə vətəndaş nikahında yaşasın?
- Əsla, istəməzdim.
- Bəs niyə özünüzə rəva bilirsiniz?
- Bəlkə də, uşaq olmuşam...
- Amma indi uşaq deyilsiniz.
- İndi uşaq olmadığıma görə düzgün fikirləşirəm...
- Siqaret çəkirsiniz?
- Qətiyyən, heç vaxt çəkməmişəm.
- Açıq-saçıq səhnəyə həyatınızdakı insana görə çəkilməzsiniz?
- Ailəmə, uşaqlarıma görə çəkilmək istəməzdim. Onlar qəbul etməzlər.
- Hətta böyük məbləğdə qonorar təklif olunsa belə?
- Əsla, razılaşmaram.
- Övladlarınız və onların atası geyimlərinizə müdaxilə edirlərmi?
- Qarışmırlar.
- Daha çox hansı stilə üstünlük verirsiniz?
- Orta stildə.
- Yəni?
- Sadə geyinməyi xoşlayıram. Gödək ətəklər də, açıq-saçıq libaslar da geyinirəm. Amma siz düşündüyünüz dərəcədə yox. Biz Azərbaycanda yaşayırıq və gərək bununla ayaqlaşaq. Camaat efirə baxanda açıq-saçıqlıq yox, istedad görmək istəyir. Rejissor aktrisanı açıq-saçıq göstərməklə reytinq yığmaq istəyirsə, bu yanlışdır. Çünki mən özüm də müşahidə edirəm ki, belə məqamlar tamaşaçılarda nifrət yaradır. Biz azərbaycanlıyıq.
- Bildiyimə görə, Akademik Milli Dram Teatrında işləmək istəyirsiniz. Bu barədə teatr rəhbərliyinə müraciət etmisiniz?
- Artıq müraciət etmişəm. Güman edirəm ki, müsbət cavab alacağam. Hələlik heç bir cavab verilməyib.
İntiqam VALEHOĞLU
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi