Tabloid.az
Dünya şöhrətli müğənni Alessandro Safinanın Bakıda konserti olub
Fevralın 21-də İtaliyanın dünya şöhrətli opera və estrada müğənnisi, tenor Alessandro Safina Heydər Əliyev Mərkəzində solo konsert proqramı ilə çıxış edib.
Məşhur ifaçını Belarus Respublikası Prezident Orkestrinin bədii
rəhbəri Viktor Babarıkinin dirijorluğu ilə Üzeyir Hacıbəyli adına
Azərbaycan Dövlət Simfonik Orkestri müşayiət edib.
A.Safina çıxışında bildirib: "Təşəkkür edirəm! Çox təəssüf ki,
sizin gözəl dilinizdə danışmıram. Buna görə də ingilis dilində bir
neçə kəlmə... Məni bu gözəl ölkənizə dəvət etdiyinizə görə sadəcə
"çox sağ olun!" demək istəyirəm. Sizin paytaxtınız çox gözəldir. Və
mən bütün bacarığımı göstərməyə çalışıram. Ümid edirəm ki, mən
Azərbaycanda sonuncu dəfə olmayacam".
A.Safina iki saatlıq konsert proqramında azərbaycanlı
pərəstişkarlarına "Incanto", "Memories", "Luna", "Besame Mucho",
"La Nave Va", "Al Di La" və digər məşhur mahnılarını təqdim edib.
Dünya şöhrətli tenorun konserti tamaşaçıların sürəkli alqışları ilə
başa çatıb.
Özünəməxsus səsi və ifa tərzi ilə seçilən, mahnıları və musiqi
albomları şöhrət qazanan italiyalı tenor A.Safina 1963-cü il
oktyabrın 14-də Siena şəhərində anadan olub. Erkən yaşlarından
musiqini öyrənməyə başlayan A.Safina 17 yaşında Florensiyada
konservatoriyaya daxil olub və Avropanın müxtəlif ölkələrində
məşhur operalarda əsas partiyaları ifa etməyə başlayıb.
1989-cu ildə o, ilk dəfə Mantova şəhərində "Concorso Lirico
Internazionale" müsabiqəsində mükafat qazanıb və bu, ifaçının
parlaq karyerasının başlanğıcı olub.
Müğənni dünyanın ən məşhur konsert salonlarında - Mantovadakı
"Teatro Bibiena"da, Londondakı "Barbican Hall"-da və digərlərində
çıxış edib. Alessandro Safinanın opera yaradıcılığı ilə yanaşı,
Sara Braytman, Elton Con, Xose Karreras və digər məşhurlarla birgə
çıxışları da şöhrət qazanıb.
A.Safina klassik və populyar musiqi janrlarını birləşdirməklə
sənətdə "opera roku" adlandırılan yeni üslub yaradıb.
O, 1999-cu ildə özündə opera, soul və müzikl elementlərini
cəmləşdirən "Insieme a Te" albomunu buraxdırıb. "Luna" sinqlının
yer aldığı diski isə dünyada milyonların qəlbini fəth edib.
-
Region8 May 23:58
Putinlə Paşinyanın görüşü başladı
-
Hadisə8 May 23:34
Xırdalanda küçə itləri qadını dişlədi - ANBAAN VİDEO
-
İdman8 May 23:22
"Real" "Bavariya"ya qarşı - CANLI
-
Hadisə8 May 21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO
-
Qoroskop8 May 20:55
Yeni ay bu 3 bürcü sevindirəcək – Şans onlardan yanadır
-
Magazin18 May 19:40
“Mənə Avroviziyadan yazana söyüş qoymuşam” - Aparıcı
-
Kriminal8 May 18:30
Tanınmış modeli döyməkdə təqsirləndirilən biznesmendən xəbər var - Külli miqdarda pul mənimsəyib?
-
İdman8 May 17:49
Dünya çempionu Messinin yanına gedir? - Müəmmalı paylaşım