Tabloid.az

Hamı Oksanın bu videosundan danışır - Video

6 Sentyabr 2014 11:52

Oksana yüksəklikdən tullandı, xəsarət aldı - Video

Hazırda Hindistnda keçirilən “İndias Best Cine Star Ki Khoj” adlı müsabiqədə iştirak edən Oksana Rəsulova zədə alıb.

Tabloid.az xəbər verir ki, rəqqasənin “Facebook” profilində paylaşdığı videoda yeni səhnənin hazırlıqlarının məşqi zamanı xəsarət aldığı görünür. Oksana üzündən və ayağından zədə aldığını bildirib:

“Həyatımda ən təhlükəli günlərdən biri idi. Mən hündürlükdən çox qorxurdum. Buna görə də, dördüncü mərtəbədə yüksəklikdən hoppanmağım düzgün olmadı. Üzü aşağı düşdüm. Burnum və sifətim çox əzildi. Birinci “action” sözündən sonra fikirləşmədən hoppandım. Düşünürəm, mənim göydə uçuşum, ya da yerişim də gözəl idi”.

Qeyd edək ki, Oksananın qatıldığı şou Hindistanın ən məşhur kanalı olan “ZEE TV”-də hər həftənin şənbə və bazar günü Bakı vaxtı ilə saat 20.30-da yayımlanır.

Rəqqasənin hündürlükdən tullanarkən çəkilən videosunu təqdim edirik.