Esmira Məhiqızı - Ayrılıq nədənsə qadın üçündü...
Bizi izləyin
Aptekonline

Yazarlar

Esmira Məhiqızı - Ayrılıq nədənsə qadın üçündü...

Esmira Məhiqızı - Ayrılıq nədənsə qadın üçündü...

inanma...havalar sevgi qoxuya,

nə gələ, o gedən bahardan gələ.

Demə ki, üşüdən ayrılıqlar da...

qol açıb üstünə bə hardan gələr...?

bəs hardan süzülər göyün yaşları,

sənin ürəyinin ətəklərinə?

Su içmək istəyən damın quşları

qonarlar dolaşmış kirpiklərinə.

Sən elə bilirsən elə belədi,

hər şey bu dünyada iz qoymur gedir...?

o qışın qarları ayaz ömründə,

yanıq yerlərinə köz qoymur gedir...?

sən elə bilirsən...xoşbəxtdi hamı...

hamının sevməyə sevgilisi var...?

Hələ sevgidən də, eşqdən də yana,

bilirsən nə qədər çəkiləsi var...?

eh...dedim nə olsun, ya demədim nə..

sevgi də baharda yarpaqlamır ta.

Hamı öz gününə bir gün ağlayır,

heç kim sevgisinə gün ağlamır ta.

inanma...gün gələ... o hansı gündü-

yazların içindən o yaz qayıda.

Ayrılıq nədənsə qadın üçündü...

sanma ayrılıqdan bir qız qayıda.

Photo
Oxumağa davam et
Reklam
Reklam

Gündəm

Aptekonline