Yağış qarğışındı bulud
Bizi izləyin
Aptekonline

Yazarlar

Yağış qarğışındı bulud

Yağış qarğışındı bulud

Anamın əlləri

Anamın əlləri qocalır yaman,

Əllərinə cavan qırışlar düşür.

Aybaay, günbəgün ,saatbasaat

Cavanlığı barmağından sürüşür.

Anamın əlləri qocalır yaman,

Əllərinə illər ağrısı çökür.

Bizim qayğımızı, zəhmətimizi,

İndi də qocalmış əlləri çəkir.

Bu qocalmış əllər cavan əllərin

Beşik yürgələyən xatirəsidi.

Anamın əlinə düşən qırışlar

Onun taleyinin xəritəsidi.

Anamın əlləri qocalır yaman,

Ömrümü bu qoca əllərə yazın.

Ölsəm, ruhumu da yaşadar mənim,

Qəbrimi anamın əllində qazın.

***

Yağış qarğışındı bulud

Yağış qarğışındı bulud,
Qarğışına yol tutulur.
Sən, ey göylərin ağası,
Yer, bu qara qul tutulur.

Dərdimi yozum içimdə,
Dərdim var tozun içində.
Daha bu qızın içində
Bir kimsəsiz çöl tutulur.

Düş aşağı, gözüm yaşı,
Çoxaltginən bu yağışı.
Ölmüşəm,başımın daşı
Məzarımda dul tutulur.

Xəyalə Sevil

Oxumağa davam et
Reklam
Reklam

Gündəm

Aptekonline