“Gedirəm” deyib dilənənlər

Aristokratiya meyl yaranıb, camaat televiziyadakı kimi

yaşayır. Bütlər nə çox. “İnəklərimiz” Hindistandakından da müqəddəs və etallon səviyyədədir.

Həyatın hissələrini dəyişmək dəb olub; fəhlə toya qalustukla və müdir zəhmi ilə gedir. Cəmiyyət müxtəlif yerlərdə təbəqələşməni aşır.

Çoxları öz həyatlarını özünə sığışdırmır. Çoxları öz həyatından

gizli-aşkar utanır. Mən nədən danışırdım?

– Qeybdən gələn səs: Dilənçilərdən.

– Hə, yadıma düşdü.

Deməli, qaraçı əxlaqı əl açmaq, yalvarmaq, daş qəlblərdə mərhəmət oyatmaqdır. Qaraçılıqda (qədim zamanlarda) kişi sındırılmırdı; kişi obraz kimi məğrurdu axı, ona görə də qadınlar dilənirdi. Cəmiyyət qadına kömək edərək gizli-aşkar elə bilirdi ki, bir ananı, bir qızı öz qəpik-quruşu ilə xilas edir. Qadına pul verən çox olur, çünki qadının ağız açmağına hörmət qoyan cəmiyyət var.

Kişinin dilənməsi ayıb sayılır. Cəmiyyət qadını kişi ilə qorumağa

məhkumdur, hətta dilənçilikdə belə. Bu günkü reallıq kişiləri

dilənməyə məcbur edib. Özü də əməlli-başlı. “Kişilər kişi kimi

dilənirlər”. İndi dilənçiliyi özünə sığışdırmayan kişilər peyd olub və

başlayıblar dilənməyə. Şəhərin müxtəlif tinlərində dayanıb adamı

yolundan eləyirlər:

– Qaqaş, bir dəqiqə olar sənə?

– Hə.

– Brat, bağışdaginən, amma bi dənə problem var. Deməli, pulumu

itirmişəm, mənə bircə manat ver, Sumqayıta gedim.

Dilənçilik səviyyəsinə enməyən bu QAQAŞ DİLƏNÇİLƏR özlərini elə

aparırlar ki, guya bunlar, öz təbirlərincə desək YAXŞI OĞLANDILAR.

Guya KİŞİNİN BAŞINA İŞ GƏLİB. Səndən, məndən bir manat qoparıb, üz

qoyurlar növbəti QAQAŞA.

Bunların üstünlüyü nədədir?

1. Guya dilənmirlər, sadəcə başlarına iş gəlib.

2. Əl açmırlar, sadəcə yaxşı oğlan cildində xahiş edib “brat”lardan

kömək istəyirlər.

3. Dilənmirlər, pulu alırlar.

4. Bunlar dilənçi yox, qaqaşdılar.

5. Qadınlardan pul ummurlar.

Cəmiyyət brendə o qədər meyllidir ki, vaxt-bivaxt nüfuza baş əyir.

Artistokratiyanı qorumağa çalışırlar ki, dilənçilik bunlara bab iş

deyil.

İşin maraqlı cəhəti ondadır ki, bunlar dilənib yaşamaq yox, dilənib

getmək istəyirlər. Hamısı da uzaq yerlərin adını çəkirlər ki, o yerə

40-50 qəpiyə getmək mümkün olmasın. Bunlar başqa dilənçilərdən fərqli olaraq, böyük dilənirlər. Onlar yığdıqları pulla (yəqin gündəlik 20-30 manat) Bakıdan gedə bilmirlər. Bakının pulsuzluqan dilənçiyə çevirdiyi adamlar pulla da Bakıdan xilas ola bilmirlər. Kasıblıq insanın

həbsxanasına çevrilir. Adamın lap ürəyi ağrıyır...

Publika.Az