Yazarlar
“İlk sevgilim övladlarımın anasıdır” - BEŞMƏRTƏBƏ
Dəyişmək istərdinizmi?
1. İllərin sürətini...
- Yox. Çünki bu mənim gücüm çatacaq iş deyil.
2. Çevrənizi...
- Yox. Çevrəmdə o qədər çox adam yoxdur, olanları dəyişməyə də səbəb görmürəm.
3. Adınızı...
- Yox. Məncə, adıma görə məni tanıyanlar heç vaxt “Bu nə addır?” deyə düşünməyiblər.
4. Yaşınızı...
- Yox. Bu, mənim qismətimə düşən ömür payıdır.
5. Bədəninizi...
- Yox. Özümü indiki görkəmimdə rahat hiss edirəm.
Görüşməyi arzulardınızmı?
1. Yadplanetlilərlə...
- Yox. Mənim Yerdə əlim çatmayanlar kifayət qədərdir.
2. İlk sevginizlə (ilk sevdiyinizlə)...
- Yox. Çünki ilk sevgim həmişə yanımdadır, övladlarımın anasıdır.
3. Məhəmməd Füzuli ilə...
- Hə. Ondan müasir Leyli və Məcnunların halını soruşardım.
4. Vanqa nənə ilə...
- Yox. O, çox uzaqgörənlik edir.
5. İlk insan olan Adəmlə...
- Hə. Ondan indiki insanlara münasibətini soruşardım.
Darıxırsızmı?
1. Uşaqlığınız üçün...
- Hə. O illərin ayrı ləzzəti vardı.
2. Uzaq bir yer üçün...
- Hə. Lap uzaqlara, hətta çox az adamın olduğu yerə getmək istərdim.
3. Dünyasını dəyişmiş kimsədən ötrü...
- Hə. Bir neçə nəfərdir.
4. Gələcəyi gözləməkdən...
- Yox. Çünki onsuz da həmin gələcək özü yoldadır, yavaş-yavaş gəlir.
5. Bəzən səbəbsiz...
- Yox. Çünki darıxmaq üçün səbəb lazımdır.
Oxuya bilirsizmi?
1. Hər gün kitab...
- Yox. Buna ən azı işin çoxluğu imkan vermir.
2. Hər səhər qəzet...
- Hə. Bir neçəsini vərəqləyib, diqqətimi çəkən yazılara oxuyuram.
3. Elektron material...
- Hə. Əslində elektron material oxumaq mənim işimin ən başlıca xüsusiyyətidir.
4. Mahnı...
- Yox. Heç qabiliyyətim yoxdur.
5. İnsanları üzündən...
- Hə. Əgər belə olmasaydı, insanların yaxşısı ilə pisini seçə bilməzdim.
İnanırsızmı?
1. Sevdiyinizə yüz faiz...
- Hə. Çünki artıq sınaqdan keçirmişəm.
2. Bəşəriyyətin xoşbəxt gələcəyinə...
- Yox. Əgər az qala hər gün iddia edildiyi kimi bəşəriyyətin sonu yaxınlaşırsa, deməli, gələcək xoşbəxtlikdən danışmağa dəyməz.
3. Allaha...
- Hə. Çünki mən də onun bir bəndəsiyəm.
4. İlk dəfə rastlaşdığınız adamın vədlərinə...
- Hə. Bəlkə də sadəlövhlüyümdən irəli gəlir.
5. “Siz hamıdan yaxşı adamsınız” sözünə...
- Yox. Çünki hamı üçün yaxşı adam olmaq mümkün deyil.
P.S. Bu günlərdə Azər Hüseynbalanın 50 yaşı tamam olub. İllərin sürətini dəyişməyə gücü çatmasa da Leyli-Məcnunun halı ilə maraqlanan, Allahına bəndə, ilk sevgisinə yoldaş olan həmkarımızı, iş yoldaşımızı və dostumuzu Publika.Az-ın və “Gündəlik Teleqraf” qəzetinin kollektivləri adından təbrik edir, ona uzun ömür, cansağlığı arzulayırıq!
Publika.Az
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi