2014-cü ilin ədəbiyyat hadisələri

Kult.az 2014-cü ildə Azərbaycan ədəbi mühitində baş vermiş əsas hadisələri təqdim edir.

1. İyun ayının 17-də “Azərbaycan Yazıçılar Birliyinin XII qurultayı” keçirildi və Xalq Yazıçısı Anar növbəti dəfə qurumun sədri seçildi.

2. Ədəbiyyat sahəsində “Ən zövqlü oxucu”, “Ədəbi Azadlıq – 2014”, “Studentlər”, “Oqtay Eloğlu”, “Bir bənd şeir”, “Ən yaxşı şeir”, “Anamın kitabı”, “III Beynəlxalq Mahmud Kaşğarlı hekayə müsabiqəsi” və s. müsabiqələr keçirildi.

3. Kamal Abdullanın kitabları dünyanın bir neçə ölkəsində çap olunaraq, təqdimat mərasimləri keçirildi.

4. İyun ayının 5-də “Şairlər günü” qeyd olundu.

5. “Kitabevim.az”, “Xan xəzinəsi” kitab dükanları açıldı.

6. “Ulduz” və “Ədəbiyyat” dərgilərində redaktor dəyişiklikləri oldu.

7. Anarın çoxsaylı reaksiyalara səbəb olan “Göz muncuğu” povesti çap olundu.

8. Azərbaycan Nazirlər Kabineti yanında “Bədii Tərcümə Mərkəzi” yaradıldı.

9. Tərcümə Mərkəzi ən yaxşı tərcümə mətni üçün “Dəf(i)nə yarpağı” adlı mükafat təsis etdi.

10. Səlim Babullaoğlunun rəhbərliyi ilə “Kitabçı” ədəbiyyat dərgisi yarandı.

11. Fikrət Qocanın şeirləri İtaliyada çap olundu.

12. Anara Aytmatov mükafatı verildi.

13. İlqar Fəhmi Azərbaycan Yazıçılar Birliyinin katibi təyin edildi.

14. Mart ayının 7-dən 9-nadək “Gənc şairlərin II Beynəlxalq Forumu” keçirildi.