Yazarlar

Bakıda Taras Şevçenkonun 200 illik yubileyi qeyd edilib

4 Mart 2014 12:45

Azərbaycan Yazıçılar Birliyinin (AYB) “Natəvan” klubunda dünya şöhrətli Ukrayna şairi, nasir və dramaturqu Taras Şevçenkonun 200 illik yubileyinə həsr olunmuş tədbir keçirilib.

Tədbirdə AYB-nin sədr müavini Nazim İbrahimov Taras Şevçenkonun Azərbaycanda tanıdılması, təbliği sahəsində görülən işlərdən söhbət açıb.

Yubiley tədbirində çıxış edənlər Taras Şevçenko irsinin Azərbaycan dilinə tərcüməsinə ötən əsrin 30-cu illərindən etibarən başlandığını söyləyiblər.

Bildirilib ki, ayrı-ayrı vaxtlarda Azərbaycan şair və ədəbiyyatşünaslarının T.Şevçenkoya həsr olunmuş məqalə və şeirləri dost ölkədə Ukrayna və rus dillərində çap olunub.

Çıxış edənlər Ukrayna xalqının şair oğlunu bir qəhrəman, mübariz vətəndaş, xalqlar dostluğunun alovlu carçısı kimi canlandırmışlar.

anspress.com