İsa peyğəmbərin məzarı Qüdsdə tapıldı - VİDEO/FOTO

İsrailli arxeoloq Aryeh Shimron İsa peyğəmbərin qəbrinin tapıldığını iddia edir.

Türkiyə mətbuatı xəbər verir ki, Qüdsün şərqində 1980-ci ildə ilk dəfə aşkarlanan Talpiot məzarlığındakı qəbirlərin İsa peyğəmbərə və ailəsinə aid olduğu iddia edilir.

Məzarda olan sümüklər üzərində kimyəvi üsulla tədqiqatlar aparılıb. İsrailli arxeoloq Aryeh Shimron, bu araşdırmalar nəticəsində qəbirlərin İsa peyğəmbərə, həyat yoldaşı Mary Maqdalenaya və oğlu Yehudaya aid olduğunu söyləyib.

"Talpiot məzarlığındakı sümük nümunələri İsa peyğəmbərin evləndiyini sübut edir"-deyən arxeoloq, İncildə qeyd edildiyi kimi, İsanın göyə yüksəlmədiyini iddia edib. İsrailli arxeoloqun bu iddiasının xristian aləmində yeni müzakirlərə yol açacağı gözlənilir.

***

2016-08-21 13:09:03

Qüdsdə içərisində İsa peyğəmbərin və ailəsinin qəbirləri olduğu ehtimal edilən sərdabə ilə bağlı yeni xəbər yayılıb.

Publika.az xarici mediaya istindən xəbər verir ki, qədim sərdabənin həqiqətən də İsa peyğəmbərə və ailəsinə məxsus olması təsdiqini tapmaq üzrədir.

Bu sərdabə 1980-ci ildə Qüdsün rayonlarının birində bina inşası üçün bünövrə qazılan zaman aşkar edilib. İnşaat işçiləri bu barədə dərhal arxeoloqlara xəbər verərək, sirli ərazini tərk ediblər.

Araşdırma zamanı həmin sərdabədə əhəng daşından düzəldilmiş 6 ədəd tabut tapılıb. Qədim dövrlərdə bu tabutlarda insan cəsədlərinin külü saxlanılırmış.

Tapılan tabutların üzərində İeşua, Mariya, Mariya Maqdalina, Matvey, İosif və İuda yazılarının olduğu müəyyən edilib.

Hazırda dünya Vatikan rəhbərliyinin 36 il öncə Qüdsdə tapılan məzarların İsa Məsihə və onun ailəsinə məxsus olmasını təsdiqləməsini gözləyir.

Vasif Həsənli

Watch video!