• USD 1,7000 0,00% EUR 1,8924 0,00%
    • GBP 2,2219 0,00% RUB 0,0276 0,00%

Bunu etməyənləri böyük cərimələr gözləyir - Ekspert BÜTÜN DETALLARI AÇDI/VİDEO

  • Xüsusi
  • 13 Yanvar 2020 15:00
  • 3 643 Baxış
Bunu etməyənləri böyük cərimələr gözləyir - Ekspert BÜTÜN DETALLARI AÇDI/VİDEO

Yanvar ayının ilk günündən etibarən daşınmaz əmlakın icbari sığortasına ciddi nəzarət olunacağı, əmlakını icbari sığorta etdirməyən şəxslərin cərimələnəcəyi deyilmişdi. Son vəziyyət necədir? Cərimələnmə tətbiq olunacaqmı?

Bu barədə Publika.az-a sığorta eksperti İlkin İbrahimov danışıb. O bildirib ki, vətəndaşların maarifləndirilməsində ilk iş sığorta şirkətlərinin üzərinə düşür:

“Çox təəssüfləndirici haldır ki, vətəndaşlarımız cərimə edilməsin deyə hansısa addımlar atır. Vətəndaşlar daşınmaz əmlakın icbari sığortasını niyə aldıqlarını bilməlidirlər.

Vətəndaşların maarifləndirilməsində ilk iş sığorta şirkətlərinin üzərinə düşür. Sığorta şirkətləri hazırda çox xəsislik edir. Sosial şəbəkələrdə 3-5 dəfə reklam vermək istisna olmaqla, mətbuatda daha çox reklam vermədiyini görürsünüz. Bu, o deməkdir ki, onlar maarifləndirmə işlərinə pul xərcləmirlər. Bu halda vətəndaşlar kortəbii şəkildə nə edəcəklərini bilmirlər. Əlavə olaraq bir məsələ də var ki, sığorta şirkətləri də sığorta ödənişlərində vətəndaşlara bu günə kimi daha çox problemlər yaradıblar. Sığorta şirkətləri bir çox yerə sorğular yollayır, onların cavablandırılması bəzən aylar, illər çəkir. Əlavə olaraq da məhkəmə mübahisələri. Bu hallar aradan qaldırılmalıdır”.

Ekspertin sözlərinə görə, “kupça”sız evlərin icbari sığortasını etdirmək də mümkündür:

“Daşınmaz əmlakın icbari sığortasında konkret olaraq istisna hallar var. Belə ki, bir il ərzində söküntüyə düşən, qəzalı evlərə icbari sığorta tətbiq edilmir. Amma evin kupçası yoxdursa, yeni tikilidirsə, müqavilə əsasında sığorta etdirmək mümkündür. Sığorta hadisəsi olarsa, komendantdan arayış gətirməklə, problemin həlli mümkündür”.

Cərimələrlə bağlı danışan ekspert qeyd edib ki, hələ ki protokolun forması təsdiq olunmadığından cərimə tətbiq oluna bilməz:

“Cərimə mexanizminin tətbiq olunması ilə bağlı yerli icra hakimiyyəti nümayəndələri hazırda səlahiyyətlidirlər. Cərimə mexanizmində hələ də protokolun forması təsdiq olunmayıb. Buna görə də hələ ki cərimə tətbiq etmək mümkün deyil. Amma qeyd edim ki, ölkəmizdə seçki prosesi getdiyindən bu məsələnin ləngidiyini görürük. Seçkidən sonra bununla bağlı nəticəni görəcəksiniz”.

Sevinc Xanqızı

Xəbər lenti

DAHA ÇOX XƏBƏR