• USD 1,7000 0,00% EUR 1,8352 0,00%
    • GBP 2,1921 0,00% RUB 0,0265 0,00%

Bu mənzillərin sahibləri cərimələnəcək? - Ekspert bütün DETALLARI AÇDI (VİDEO)

  • Xüsusi
  • 16 Yanvar 2020 17:30
  • 5 472 Baxış
Bu mənzillərin sahibləri cərimələnəcək? - Ekspert bütün DETALLARI AÇDI (VİDEO)

İcbari sığortalar haqqında qanunda belə bir maddə var. Əgər vətəndaş sığorta etdirməyibsə, sabah hansısa zərər dəysə, dövlət kömək etmək istəsə, zərərin yalnız 20 faizini verəcək. Bu baxımdan da vətəndaşlar üçün mənzillərini sığorta etdirmək yaxşı olardı.

Bu sözləri Publika Tvyə müsahibəsində hüquqşünas Əkrəm Həsənov deyib. Onun sözlərinə görə, cərimələmə işini tətbiq etməli olan orqan yerli icra hakimiyyətidir:

“Vətəndaşı icbari sığorta etdirmədiyinə görə cərimələyən orqan yerli icra hakimiyyətidir. Yerli icra hakimiyyəti orqanı istəsə maarifləndirməni edə bilər, amma bu, onun vəzifəsi deyil. Onun vəzifəsi cərimələmə prosesi hansı qaydada və tarixdə olacağı barədə xəbərdarlıq etməkdir. Hamımız gördük ki, ötən ilin sonunda cərimələnməyə görə bir ajiotaj yarandı. Amma cəriməni tətbiq etməli olan qurum bu barədə heç nə danışmırdı. Bu orqan da hər rayonun yerli icra hakimiyyəti orqanıdır. O, bir neçə ay əvvəldən deməlidir bunu”.

Hüquqşünas bildirib ki, maarifləndirmə birbaşa Mərkəzi Bankın işidir:

“Sığorta bazarına nəzarət edən qurum Mərkəzi bankdır. Maarifləndirmə işini də o aparmalıdır. Mərkəzi bank ən az 3-4 ay hər yerdə - bütün kütləvi informasiya vasitələrində müxtəlif vasitələrlə reklam işi görülməlidir. Təkrar deyirəm ki, Mərkəzi Bank niyə susur?

Əvvəlcə Mərkəzi bank maarifləndirməni aparmalıdır, icbari olduğu halda daha sonra yerli icra hakimiyyəti xəbərdarlıq etməlidir ki, kim etmirsə, filan gündən etibarən cərimələyəcəyəm”.

Sevinc Xanqızı

Halal Nemət

Xəbər lenti

DAHA ÇOX XƏBƏR