• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Türkiyə havaya 30 F-16 qaldırdı: 260 PKK-çı məhv edildi

  • Dünya
  • 1 Avqust 2015 11:07
  • 1 247 Baxış
Türkiyə havaya 30 F-16 qaldırdı: 260 PKK-çı məhv edildi

Türkiyə Silahlı Qüvvələri dünən Şimali İraqda PKK hədəflərinə ağır zərbə endirib.

Publika.az Türkiyə mediasına istinadən xəbər verir ki, 30 F-16 təyyarəsinin qatıldığı əməliyyatda 65-dən çox hədəf məhv edilib.

“Şəhid onbaşı Hamza Yıldırım” adı verilən əməliyyatda vurulan hədəflər arasında yeraltı və yerüstü sığınacaqlar, yeraltı sursat anbarları və ərzaq anbarları var.

Bundan başqa, iki gün əvvəl həyata keçirilən əməliyyata bağlı detallar da ortaya çıxıb. “Şəhid leytenant İbrahim Tanrıverdi" adını daşıyan əməliyyatda ölkə daxilində və xaricdə terror təşkilatına aid 100-dən çox hədəfə 80 təyyarə ilə zərbələr endirilib. Əməliyyatda 39 yeraltı və yerüstü sığınacaq, 15 mağara, 2 yeraltı sursat anbarı və çoxlu sayda hərbi istehkam məhv edilib.

Terror təşkilatına qarşı bu günə qədər həyata keçirilən əməliyyatlarda 260 terrorçu məhv edilib. Aralarında Xalqların Demokratik Partiyasının (HDP) həmsədri Səlahəddin Dəmirtaşın qardaşı Nurəddin Dəmirtaşın da olduğu 400-ə qədər terrorçu yaralanıb.

Ömər Dağlı

Xəbər lenti

DAHA ÇOX XƏBƏR