Dünya

İraq və Suriya 3 hissəyə bölünəcək – ŞOK İDDİA

11 Sentyabr 2015 23:15

ABŞ Müdafiə Kəşfiyyatı Agentliyinin direktoru Vinsent Stiuart İraq və Suriyanın bölünəcəyini iddia edib.

Axar.az məlumat verir ki, torpaqlarının böyük hissəsinin İŞİD-in əlində olduğunu bildirən baş kəşfiyyatçı sözügedən ölkələrin 2-3 hissəyə bölünəcəyini deyib:

“İraqda kürdlər mərkəzi hökumətə geri dönəcəyini düşünür. Amma bu, real görünmür. İraq və Suriya 2-3 hissəyə bölünə bilər. Təbii ki, bu ehtimaldır. ABŞ-ın məqsədi İraq və Suriyanı parçalamaq deyil. Ancaq prosesin buna doğru getdiyini görürük”.

Stüartla eyni konfransda danışan Mərkəzi Kəşfiyyat İdarəsinin direktoru Con Brennan da İraq və Suriya hökumətlərinin əvvəlki sərhədlərə nəzarət edə bilmədiyini deyib:

“İraq və suriyalılar özlərini milliyyətlərindən daha çox tayfa, yaxud məzhəblərinə görə ayırırlar. Yaxın 10-20 il ərzində Yaxın Şərqdə böyük dəyişikliklərin şahidi olacağıq”.